RSS Feed
ოქტომბერი 31, 2014
სიახლეების არქივი
ჰოლანდიაში ყვავილების ორთვიანი ზეიმი იწყება
მარტი 7, 2012

ჰოლანდიის ქალაქ ლისში, რომელიც ამსტერდამის სამხრეთ–დასავლეთით, 30 კილომეტრში მდებარეობს, 22 მარტს ქვეყნის ყველაზე ცნობილი პარკი – კიოკენჰოფი გაიხსნება. ყოველწლიურად ამ კომპლექსს, რომელიც, უპირველეს ყოვლისა, ტიტების კოლექციითა ცნობილი, მთელი მსოფლიოდან 800 ათასამდე ტურისტი სტუმრობს, და ეს იმის მიუხედავად, რომ პარკი წელიწადში მხოლოდ 2 თვის განმავლობაშია ღია.

პარკში 7 მილიონი ტიტა, გიაცინტი, ნარცისი, ფრეზია და სხვა მცენარეებია წარმოდგენილი, დახურულ პავილიონებში კი სითბოსმოყვარული აზალიები და ორქიდეები ბინადრობენ.

მიმდინარე წლის კიოკენჰოფის თემა არის „პოლონეთი – ევროპის გული.“ ამ გაზაფხულზე წარმოდგენილი იქნება რვა გამოფენა, რომელთაგანაც თითოეული გარკვეულ სახეობას მიეძღვნება. საგამოფენო პავილიონში შოპენის მუსიკა გაიჟღერებს, რომელიც პლონეთშია დაბადებული.